Skip to main content

இனிய புத்தாண்டு வாழ்த்துக்கள் 2016

அனைத்து செவிலிய சொந்தங்களுக்கும் இனிய ஆங்கில புத்தாண்டு நல்வாழ்த்துக்கள்.

கடந்த பேரிடரின் போது தனியார் துறையினர் தங்களது செயல்பாட்டை எவ்வித முன்னறிவிப்பின்றி நிறுத்திய போது,

பொதுத்துறை அரசு நிறுவனங்கள் மக்களுக்கு அயராமல் சேவை செய்து பெரும்பேறு பெற்றன.

அரசு மருத்துவமனைகளை பெரும்பாலான ஏழை எளிய மக்கள் பயன்படுத்தி வருகின்றனர்.

நோயாளிகளின் உடன் அனைத்து நேரமும் இருக்கும் செவிலியர்களின் பணியானது மாற்றம் கொள்ள வேண்டிய தருணம் இது.

அரசின் தவறான கொள்கைகளால் நோயாளிகள் நலன் பாதிக்கப்படும்போது, செவிலியர்கள் சமூக பொறுப்புடன் அதனை எதிர்க்க தயார்படுத்திக் கொள்ள வேண்டும்.

இன்று பெண்கள் சமுதாயம் பற்பல சாதனைகளை சத்தமில்லாமல் நிகழ்த்தி வருகின்றன,  பெண்கள் சட்டங்கள் செய்வதையும், பட்டங்கள் ஆள்வதையும் பார்த்துக் கொண்டுதான் இருக்கிறோம்.

ஆனால் பெண்களுக்கு எதிரான பாலியல் வன்முறைகளை சத்தமாக பேசக் கூட தயங்குகிறோம். அவர்களுக்கு ஆறுதல் கூறாமல் துணிந்து அடிக்க கற்று தர வேண்டும்.

அரசு மருத்துவமனைகளை பாதுகாப்போம்.
சென்ற வருடம் எனக்கு தெரிந்து 2 மருத்துவர்கள், 2 செவிலியர்கள், பல மருத்துவமனை பணியாளர்கள் நான் பணிபுரியும் அரசு மருத்துவமனையில் அனுமதிக்கப்பட்டு சிகிச்சை பெற்றனர்.

சில வாரங்களுக்கு தேவையான Antibiotics மற்றும் அத்தியாவாசிய மருந்துகள் அவர்களுக்கு கிடைக்கப்பெறவில்லை.

ஊழியர்கள் அவர்களின் பணி செய்வதையே பெரும் இழுக்காக நினைக்கின்றனர்.

வார்டு பகுதியில் செவிலியர்களின் பணிச்சுமை அவசியம் இல்லாமல் அதிகரித்து உள்ளது.

எங்கள் மூத்த ஆண் செவிலியர் ஒருவர் கூறுவார்,  "டாக்டர் முதல் துப்புறவு பணியாளர் வரை அவர்கள் என்ன செய்ய வேண்டும் என்பதை நாம் கூறிக்கொண்டே இருக்க வேண்டும்" என.

இதனால் தான் என்னவோ செவிலியர்களின் பணி இது என அறுதியிட்டு கூற அரசு மறுக்கிறது.

இன்றைய இக்கட்டான நிலையில் அரசு மருத்துவமனைகள் பாதுகாக்கப்பட வேண்டும்.

சமுதாய முன்னேற்றம் தேவை:-

ஒரு கலக்டரோ, ஒரு தாசில்தாரோ பணியில் இருக்கும்வரை தான் அவருக்கு அப்பெயர் ஆனால், செவிலியர் எப்போதும் செவிலியர்தான்.

செவிலியர்கள் இல்லாமல் சுகாதாரத்துறை இருக்க முடியாது. பொதுவாக இன்று செவிலியர்களின் பிரச்சனை ஒரு தனி செவிலியரின் பிரச்சனையாகவே பார்க்கப்படுகிறது.

உதாரணமாக ஒரு செவிலியர் தாக்கப்படும் போதோ அல்லது செவிலியர்களுக்கு எதிராக துறை ரீதியான நடவடிக்கை எடுக்கும் போதோ அது அந்த தனி செவிலியரின் தவறாகவே பார்க்கப்படுகிறது.

செவிலியர்கள் பிரச்சனை செவிலியர்களுடைய பிரச்சனை மட்டுமல்ல. அது ஒரு சமூக பிரச்சனை. அனைவரின் பொதுப்பிரச்சனை. செவிலியர்கள் தங்களது கோரிக்கைகளுக்காக ஒன்று பட்டு போராட வேண்டும்.

நோயின் அறிகுறியை எதிர்த்துப் போராடும் நாம், நமது சுய மரியாதைக்கு இழுக்கு ஏற்படும் போது அதற்கு எதிராக போராட துணியாமல் தனி அறையில் அழுது, பொலம்பி ஆற்றிக் கொள்கிறோம்.

செவிலியர்கள் தனியார் துறையிலும், அரசு துறையிலும் சுரண்டப்பட்டு வருகின்றனர், கொள்ளை முதலாளிகளாலும், அரசியல்வாதிகளாலும் ஆங்கிலேயர் காட்டிய பிரித்தாலும் சூழ்ச்சியை பயன்படுத்தி ஒட்டு மொத்த இளம் செவிலியர்களும் சுரண்டப்பட்டு இரத்தம் சுண்டிய பிறகு விரட்டி அடிக்கப்படுகின்றனர்.

மக்களின் சுகாதார உரிமைக்கான வழிகாட்டு நெரிமுறைகள், மருத்துவமனை விதிகள் முற்றிலும் மீறப்பட்டு கொள்ளை இலாபத்திற்காக மருந்து பொருட்கள் மாபியா நடைபெறுகிறது.

ஆக செவிலியர்களாகிய நாம்,
நம் வேலைகளை மட்டும் பார்க்காமல் நோயாளிகளின் நிலையில் இருந்து யோசித்து "மக்கள் செவிலியர் மன்றம்" அமைத்து

அரசு மருத்துவமனைகளை பாதுகாக்க வேண்டும்,

இளம் செவிலியர்களின் உழைப்புச் சுரண்டலை தனியார் மற்றும் அரசு மருத்துவமனைகளில் தடுக்க வேண்டும்,

மருந்து வணிக மாபியாக்களிடம் இருந்து ஏழை மக்களை பாதுகாக்க வேண்டும்.

வரப்புயர நெல் உயரும் என்பது போல் தனி செவிலியரின் சுய மரியாதை உயர்ந்தாலே ஒட்டு மொத்த துறை உயரும் என்பதில் ஐய்யமில்லை.

இனிய புத்தாண்டு வாழ்த்துக்கள் 2016

ம. உமாபதி
செவிலியர்.

Comments

  1. அருமை உமா ஒவ்வொரு வார்த்தையும் சத்தியமான வார்த்தை
    இந்தியாவில் இந்தியன் இல்லை என்பது போல் அரசு மருத்துவமனைகளில் செவிலியர் ,செவிலியர் வேலை தவிர்த்து அனைத்து வேலையும் செய்து வருகிறோம் ."செவிலியர் மக்கள் மன்றம் "
    காலத்தின் கட்டாயம் .வாழ்த்துக்கள்

    ReplyDelete
  2. This comment has been removed by the author.

    ReplyDelete
  3. அருமையான வரிகள், எழுத்து வடிவில் மட்டும் நின்று விடாமல் செயல்வடிவம் பெற நாம் அனைவரும் இணைந்து பாடுபட வேண்டும்

    ReplyDelete
  4. வாழ்த்துக்கள், இவை அனைத்தும் நம்மால் சாத்தியப்பட வேண்டும்

    ReplyDelete
  5. செவிலியம் உயர்த்து!
    எம் செவிலியம்
    இனி உயர்வு பெறும் உன்னால்!!
    உன்னை போன்ற நல் எண்ணங்களால்!!!

    வாழ்த்துக்கள் தம்பி!!!

    ReplyDelete

Post a Comment

Popular posts from this blog

ஒரு வருட காலத்திற்குள் மகப்பேறு விடுப்பு எடுத்த செவிலியர்களுக்கு ஊதியத்துடன் விடுப்பு வழங்க கூரிய பணியமர்த்தும் அலுவலரின் மறு ஆணை

முதலில் இதனை இயக்குநர் அளவில் கொண்டு சென்ற தமிழ்நாடு அரசு நர்சுகள் சங்கத்திற்கு நன்றி.
Honourable Health Minister, Health Secretary, DMS, DPH, DME மற்றும் இதற்காக உழைத்த, இனி வருங்காலங்களில் உழைக்கப்போகும் அலுவலக அதிகாரிகளுக்கும் நன்றி.
மகப்பேறு விடுப்பு ஊதியத்திற்கான சட்டம் இருக்கும் போது இன்னும் ஒப்பந்த அடிப்படை செவிலியர்களுக்கு மகப்பேறு விடுப்போ, விடுப்பிற்கான ஊதியமோ வழங்கப்படுவதில்லை. எனவே ஒப்பந்த அடிப்படை செவிலியர்களுக்கும் மகப்பேறு விடுப்பு மற்றும் ஊதியம் வழங்க வழிவகை செய்ய வேண்டும் என்பதை இந்நேரத்தில் வேண்டி விரும்பி கேட்டுக் கொள்கிறேன்.
அரசு மருத்துவமனைகளில் நிரந்தர பணியில் இணைந்த செவிலியர்களுக்கு ஒரு வருட பணிக்காலம் முடிவதற்குள் மகப்பேறு விடுப்பு எடுத்தால் அவர்களுக்கு பல வருடங்களாக தொடர்ந்து மகப்பேறு விடுப்பிற்கான ஊதியம் மறுக்கப்பட்டு வந்தது.
யார் யாருக்கு மகப்பேறு விடுப்பிற்கான ஊதியம் வழங்கப்படவில்லை என்ற பட்டியல் தமிழகம் முழுவதும் உள்ள நிரந்தர மற்றும் ஒப்பந்த செவிலியர்களிடம் பெறப்பெற்று நமது துறை இயக்குநர்களின் கவனத்திற்கு நமது அரசு நர்சுகள் சங்கத்தால் கொண்டு செல்லப்பட்டது …

Staff Nurse to Nursing Superintendent Grade 2, Panel List for the year 2019 2020

Staff Nurse லிருந்து Nursing Superintendent ஆக பதவி உயர்வு அளிக்க, தகுதியுடைய நபர்களின் பட்டியல், இயக்குநர் அவர்களால் வெளியிடப்பட்டுள்ளது.

பட்டியலில் கண்டுள்ள செவிலியர்கள் அவர்களின் அலுவலகம் வழியாக Service Particulars அனுப்பி வைக்க வேண்டுமாறு கேட்டுக் கொள்ளப்படுகிறார்கள்.

List of Eligible Staff Nurses for the Promotion of Nursing Superintendent, Service Particulars Called by The DMS.

மூவலூர் இராமாமிர்தம் அம்மையார் நினைவு திருமண உதவித்திட்டம் சில தகவல்கள்

1  திட்டத்தின் பெயர்:-
மூவலூர் இராமாமிர்தம் அம்மையார் நினைவு திருமண உதவித் திட்டம்.

2  திட்டத்தின் நோக்கங்கள்:-
ஏழைப் பெண்களின் திருமணத்திற்கு அவர்களின் பெற்றோர்களுக்கு உதவி வழங்குதலும், பெண்களின் கல்வி நிலையை உயர்த்துதலும்.

3  வழங்கப்படும் உதவி:-
திட்டம் 1 - ரூ.25,000/- (காசோலை) (ம) திருமாங்கல்யம் செய்வதற்காக 4 கிராம் (1/2 சவரன்) 22 காரட் தங்க நாணயம்.

திட்டம் 2 - ரூ.50,000/ (காசோலை) (ம) திருமாங்கல்யம் செய்வதற்காக 4 கிராம் (1/2 சவரன்) 22 காரட் தங்க நாணயம்.

4  பயன் பெறுபவர்கள்:-
ஏழைப் பெண்களின் தாய் அல்லது தந்தை பெயரில் வழங்கலாம்.  பெற்றோர் இல்லையெனில் மணமகளுக்கு வழங்கலாம்.

5  தகுதிகள் / நிபந்தனைகள்:-
அ) கல்வித் தகுதி

திட்டம் 1 
1. மணப்பெண் 10-ம் வகுப்பு வரை பள்ளியில் படித்து இருத்தல் வேண்டும் (தேர்ச்சி அல்லது தோல்வி) .

2. தனியார் /தொலைதூரக் கல்வி மூலம் படித்து இருந்தால் 10ம் வகுப்பு தேர்ச்சி அடைந்திருத்தல் வேண்டும்.

3. பழங்குடியினராக இருந்தால் 5-வது வரை படித்திருத்தல் வேண்டும்.

திட்டம் 2 
1. பட்டதாரிகள், கல்லூரியிலோ அல்லது தொலை தூரக்கல்வி மூலமோ அல்லது அரசால் அங்கீகரிக்கப்பட்ட திறந்த…